“ПСЖ” ҳужумчиси Килиан Мбаппе 2023—2024 йилги мавсумдаги Чемпионлар Лигаси финал ўйинини ҳақида гапирди. 1 июнь, шанба куни Мадриднинг “Реал” клуби Чемпионлар Лигаси финалида “Уэмбли”да “Боруссия” билан ўйнайди.
“Йўқ, финалда мен ҳеч кимга мухлислик қилмайман. Мен ҳам сиз каби финални томоша қиламан. Агар сиз футболни яхши кўрсангиз, ҳар бир ўйинни томоша қилинг. Имкон бўлганда ҳар бир ўйинни — Франция, Англия, Испания, Германия, Италия чемпионатларини томоша қиламан. Шунинг учун мен ҳам Чемпионлар Лигаси финалини томоша қиламан, албатта.
Менда Чемпионлар Лигасида ғалаба қозониш учун яна кўп имкониятлар бўлади, аммо бу амалга ошиши тақдирдан деб ўйлайман. Биз бир неча бор ғалаба қозонишга яқин келгандик. Бу футболнинг бир қисми. Энди мен фақат яхши ҳис-туйғулар ва Парижда содир бўлган барча воқеалар ҳақида фақат ёқимли хотираларни сақлаб қолмоқчиман”, — дея Мбаппенинг сўзларини келтиради CNN.
Аввалроқ форвард жорий йилнинг июнь ойи охирида тугайдиган шартномаси якунлангандан сўнг Париж клубини тарк этишини маълум қилганди. Мбаппе “Реал” билан 5 йиллик шартнома имзолаши ҳақида хабарлар мавжуд. Ҳужумчи “Реал”да йилига 15 миллион евро олади — бу “ПСЖ”даги маошидан камроқ. Бунда футболчи 150 миллион еврога шартномани имзолаганда бонус сифатида эга бўлади.
Изоҳ (0)