“PSJ” hujumchisi Kilian Mbappe 2023—2024-yilgi mavsumdagi Chempionlar Ligasi final o‘yinini haqida gapirdi. 1-iyun, shanba kuni Madridning “Real” klubi Chempionlar Ligasi finalida “Uembli”da “Borussiya” bilan o‘ynaydi.
“Yo‘q, finalda men hech kimga muxlislik qilmayman. Men ham siz kabi finalni tomosha qilaman. Agar siz futbolni yaxshi ko‘rsangiz, har bir o‘yinni tomosha qiling. Imkon bo‘lganda har bir o‘yinni — Fransiya, Angliya, Ispaniya, Germaniya, Italiya chempionatlarini tomosha qilaman. Shuning uchun men ham Chempionlar Ligasi finalini tomosha qilaman, albatta.
Menda Chempionlar Ligasida g‘alaba qozonish uchun yana ko‘p imkoniyatlar bo‘ladi, ammo bu amalga oshishi taqdirdan deb o‘ylayman. Biz bir necha bor g‘alaba qozonishga yaqin kelgandik. Bu futbolning bir qismi. Endi men faqat yaxshi his-tuyg‘ular va Parijda sodir bo‘lgan barcha voqealar haqida faqat yoqimli xotiralarni saqlab qolmoqchiman”, — deya Mbappening so‘zlarini keltiradi CNN.
Avvalroq forvard joriy yilning iyun oyi oxirida tugaydigan shartnomasi yakunlangandan so‘ng Parij klubini tark etishini ma’lum qilgandi. Mbappe “Real” bilan 5 yillik shartnoma imzolashi haqida xabarlar mavjud. Hujumchi “Real”da yiliga 15 million yevro oladi — bu “PSJ”dagi maoshidan kamroq. Bunda futbolchi 150 million yevroga shartnomani imzolaganda bonus sifatida ega bo‘ladi.
Izoh (0)