Бокс бўйича оғир вазн тоифасида собиқ жаҳон чемпиони Майк Тайсон соғлиғи билан боғлиқ ҳеч қандай муаммо йўқлигини маълум қилди.
“Ҳозир ўзимни жуда яхши ҳис қиляпман. Жейк Полни мағлуб этиш учун бу керак ҳам эмасди”, — деб ёзди Тайсон.
Аввалроқ Майк Майамидан Лос-Анжелесга учаётган вақтида тиббий хизмат ходимларига мурожаат қилгани хабар қилинганди. Манбага кўра, қўнишга 30 дақиқа қолганда спортчи ошқозон ярасининг очилиб кетиши оқибатида боши айланган ва ўзини жуда нохуш ҳис қилган.
Эслатиб ўтамиз, Майк Тайсон ва видеоблогер Жейк Пол ўртасидаги жанг 20 июль куни АҚШнинг Арлингтон шаҳридаги А&Т аренасида бўлиб ўтади.
Тайсон ўз фаолиятини 2005 йилда якунлаган. 1987 йилдан 1990 йилгача у оғир вазн тоифасида мутлақ жаҳон чемпиони бўлган. Тайсон 58 та жанг ўтказиб, 50 тасида ғалаба қозонган (44 таси нокаут билан) ва 6 тасида мағлубият аламини тотиб кўрган. Унинг иштирокидаги яна иккита жанг ўтказилмаган деб топилган.
Изоҳ (0)