Boks bo‘yicha og‘ir vazn toifasida sobiq jahon chempioni Mayk Tayson sog‘lig‘i bilan bog‘liq hech qanday muammo yo‘qligini ma’lum qildi.
“Hozir o‘zimni juda yaxshi his qilyapman. Jeyk Polni mag‘lub etish uchun bu kerak ham emasdi”, — deb yozdi Tayson.
Avvalroq Mayk Mayamidan Los-Anjelesga uchayotgan vaqtida tibbiy xizmat xodimlariga murojaat qilgani xabar qilingandi. Manbaga ko‘ra, qo‘nishga 30 daqiqa qolganda sportchi oshqozon yarasining ochilib ketishi oqibatida boshi aylangan va o‘zini juda noxush his qilgan.
Eslatib o‘tamiz, Mayk Tayson va videobloger Jeyk Pol o‘rtasidagi jang 20-iyul kuni AQShning Arlington shahridagi A&T arenasida bo‘lib o‘tadi.
Tayson o‘z faoliyatini 2005-yilda yakunlagan. 1987-yildan 1990-yilgacha u og‘ir vazn toifasida mutlaq jahon chempioni bo‘lgan. Tayson 58 ta jang o‘tkazib, 50 tasida g‘alaba qozongan (44 tasi nokaut bilan) va 6 tasida mag‘lubiyat alamini totib ko‘rgan. Uning ishtirokidagi yana ikkita jang o‘tkazilmagan deb topilgan.
Izoh (0)