IBA бокс бўйича Олимпиада совриндорларига қанча мукофот пули беришини маълум қилди

Халқаро бокс ассоциацияси (IBА) Парижда бўлиб ўтадиган Олимпия ўйинларининг ғолиб ва совриндорлари учун мукофот жамғармасини эълон қилди.

Унга кўра, олтин медални қўлга киритган боксчи 100 минг АҚШ доллари олади, ушбу маблағдан 50 минг доллари боксчининг ўзига, 25 минг доллари эса миллий федерацияга ва қолган 25 минг доллари мураббийга тақсимланади.

Кумуш медал эгалари 50 минг доллар олади. Ушбу соврин ҳам олтин медал каби 25 минг доллари спортчига ва қолган 25 минг миллий федерация ва мураббийга тенг бўлиб берилади.

Бронза медали эгалари 25 минг доллар билан мукофотланади. Бу пуллар ҳам тепадаги каби тақсимланиб спортчининг ўзига 12,5 минг доллар ва қолган яна шунча пул эса миллий федерация ва мураббийга берилади.

Эндиликда чорак финалда мағлуб бўлган ва бешинчи ўринни қўлга киритган боксчилар ҳам, ҳар бири 10 минг доллардан мукофот жамғармасига эга бўлади.