АҚШ собиқ президенти Дональд Трамп катта юридик харажатларни қоплаш учун самолётни сотишга мажбур бўлди. Бу ҳақда Федерал авиация бошқармаси маълумотларига таяниб, The Guardian хабар берди.
Маълум қилинишича, Трамп энди қиймати тахминан 10 миллион доллар бўлган Sitation Х хусусий самолётининг эгаси эмас. Сиёсатчи ўзининг супержетини Далласда кўчмас мулк билан шуғулланувчи келиб чиқиши эронлик бўлган америкалик тадбиркор Меҳрдад Моаедига сотган.
Моаеди узоқ вақтдан бери Республикачилар партияси ва Трампнинг ҳомийси сифатида танилган. 2019–2020 йилларда у ўша пайтдаги АҚШ президентининг сайловолди кампаниясига 250 минг доллар сармоя киритган. Умуман олганда, тадбиркор республикачиларнинг турли эҳтиёжлари учун миллионлаб пул сарфлаган.
Оммавий ахборот воситалари самолётнинг сотилишини Трамп катта юридик харажатлар шароитида дуч келган қийинчиликлар билан боғлайди. Собиқ президент туҳмат ва фирибгарлик айбловлари бўйича фақат иккита жаримага 200 миллион доллар сарфлаган. Шунингдек, сиёсатчи унга қарши қўзғатилган жиноий ишлар билан шуғулланувчи адвокатларнинг катта жамоасини ҳам қўллаб-қувватлайди.
Трамп ҳанузгача ўзининг исми туширилган Boeing 757 самолётига эгалик қилади. Май ойида мазкур самолёт бошқа учоқ билан тўқнашиб кетганди.
Изоҳ (0)