Қорақалпоғистон Республикасида жойлашган автомобилларга газ тарқатиш компрессор шохобчасига (АГТКШ) мувофиқлик сертификатисиз маҳсулот учун жарима қўлланди.
Қорақалпоғистон Республикаси назорат инспекцияси томонидан “Т.М.С” МЧЖ (номи ўзгартирилган)да ўтказилган текширишда автомобилларга газ тарқатиш компрессор шохобчаси томонидан 222,64 миллион сўмлик сиқилган табиий газ маҳсулоти мувофиқлик сертификатисиз реализация қилингани аниқланган.
“Юз.уз”нинг ёзишича, аниқланган ҳолатлар юзасидан Маъмурий жавобгарлик тўғрисидаги кодекснинг 214-моддаси (сертификатлаштириш ва мувофиқликни баҳолаш қоидаларини бузиш) 1-қисми билан маъмурий баённома расмийлаштирилган. Шунингдек, реализация қилинган маҳсулот қийматининг 50 фоизи миқдорида жарима қўллаш мақсадида иқтисодий судга киритилмоқда.
Ички ёнув двигателлари учун сиқилган табиий газ маҳсулотни сертификатлаштириш юзасидан ёзма кўрсатма берилган.
Бундан олдин Бош прокуратура Тошкент вилояти Бўка туманидаги метан заправкада бир ойда 1,8 миллиард сўмлик табиий газдан ноқонуний фойдаланилгани ҳақида хабар берилганди.
Изоҳ (0)