Финляндия агар учинчи давлат фуқароларига тўғридан тўғри чегарада бошпана беришдан бош тортиш ва Россияга депортация қилиш имконини берадиган “чиқариб юбориш тўғрисида”ги қонун лойиҳаси қабул қилинса, Россия билан чегарани қисман очиши мумкин. Бу ҳақда Финляндия бош вазири Петтери Орпо маълум қилди.
Қонун қабул қилинганда, биз чегарани эҳтиёткорлик билан очишга ҳаракат қиламиз, бироқ у ўз арсеналимизга киргандан кейин ўйлаб, муҳокама қилиб, чегарадан ўтишга ҳаракат қилишимиз мумкин, — деди Финляндия бош вазири.
Орпо аввалига битта чегара пунктини, чегаранинг ҳар икки томонида ҳамкорлик ўрнатилса, бошқаларини очилишини айтган.
Апрель ойи охирида Helsingin Sanomat нашри Финляндия ҳукумати “шошилинч” тарзда янги қонун лойиҳасини тайёрлаётгани ҳақида хабар берган. Хабарга кўра, Финляндия агар об-ҳаво яхшиланса, Россия бошпана изловчиларни қуруқлик чегараси орқали ўтказишга киришишидан қўрқаётгани ва шу тариқа қонун лойиҳасини тезкор тайёрлаётгани айтилган.
Қонун лойиҳасининг мақсади бошпана изловчиларнинг мамлакатга киришига йўл қўймасликдир, шунинг учун у депортация қарорларини тўғридан тўғри чегарада қабул қилиш имконини беради, — дея таъкидлайди нашр.
Бироқ қонун лойиҳаси Финляндия конституцияси ва Инсон ҳуқуқлари бўйича халқаро конвенция қоидаларини бузгани учун ҳуқуқ ҳимоячилари томонидан танқид қилинган.
Россия—Финляндия чегарасида мигрантлар оқими
2023 йил ноябрида Финляндия тегишли ҳужжатларсиз муҳожирлар оқими туфайли Россия билан қуруқликдаги чегарасини бутунлай ёпган эди. Ҳелсинки Москвани учинчи давлат фуқароларини чегарани кесиб ўтишга ундаганликда айблаган. Бунга жавобан Россия ТИВ матбуот котиби Мария Захарова Финляндиянинг чегарадаги вазият учун жавобгарликни Россия зиммасига юклашга уринишини “беўхшов баҳоналар” деб атаган.
Изоҳ (0)