Финляндия ҳукумати Россия ҳудудидан қочиб бошпана изловчилар оқимини чеклаш учун шарқий чегарани бутунлай ёпмоқчи, деб ёзади Helsingin Sanomat ва Ilta Sanomat нашрлари.
HS маълумотларига кўра, Финляндия ҳукумати чегарани ёпишни ўтган ҳафтадаёқ режалаштирган. Бунда Хелсинки аэропорти каби ҳудудларда бошпана сўраш имкониятини сақлаб қолиш назарда тутилган.
Бироқ ташаббуснинг мамлакат конституцияси ва Европа Иттифоқи қонунчилигига мувофиқлиги синовдан ўтказилмаган. Хусусан, Финляндия адлия вице-канцлери Микко Пуумалайнен бунга қарши чиққан ва таклиф этилаётган чора халқаро ҳимояга мурожаат қилиш ҳуқуқини сақлаб қолишни кафолатламаслигини таъкидлаган.
Аммо кейинчалик бош вазир Петтери Орпо Финляндия миллий хавфсизлик манфаатлари талаб қилса, Россия билан чегарани бутунлай ёпишини айтди, молия вазири Риикка Пурра эса ўзининг шахсий блогида ҳукумат Адлия вазирлигидан мустақил равишда чегараларни ёпиш тўғрисида қарор қабул қилиши кераклигини ёзди.
Финляндия ҳукумати зарур ҳужжатларсиз Финляндия чегарасини кесиб ўтишга уринаётган учинчи давлат фуқаролари сонининг кўпайиши сабабли Россия билан чегарадаги деярли барча назорат-ўтказиш пунктларини (Мурманск вилоятидаги биттадан ташқари) ёпишга қарор қилди. Шу билан бирга, Финляндия чегара хизмати яқинда россиялик чегарачилар чегарани кесиб ўтиш учун зарур ҳужжатларга эга бўлмаган одамларни ўтказа бошлаганини қайд этди.
Изоҳ (0)