Finlyandiya agar uchinchi davlat fuqarolariga to‘g‘ridan to‘g‘ri chegarada boshpana berishdan bosh tortish va Rossiyaga deportatsiya qilish imkonini beradigan “chiqarib yuborish to‘g‘risida”gi qonun loyihasi qabul qilinsa, Rossiya bilan chegarani qisman ochishi mumkin. Bu haqda Finlyandiya bosh vaziri Petteri Orpo ma’lum qildi.
Qonun qabul qilinganda, biz chegarani ehtiyotkorlik bilan ochishga harakat qilamiz, biroq u o‘z arsenalimizga kirgandan keyin o‘ylab, muhokama qilib, chegaradan o‘tishga harakat qilishimiz mumkin, — dedi Finlyandiya bosh vaziri.
Orpo avvaliga bitta chegara punktini, chegaraning har ikki tomonida hamkorlik o‘rnatilsa, boshqalarini ochilishini aytgan.
Aprel oyi oxirida Helsingin Sanomat nashri Finlyandiya hukumati “shoshilinch” tarzda yangi qonun loyihasini tayyorlayotgani haqida xabar bergan. Xabarga ko‘ra, Finlyandiya agar ob-havo yaxshilansa, Rossiya boshpana izlovchilarni quruqlik chegarasi orqali o‘tkazishga kirishishidan qo‘rqayotgani va shu tariqa qonun loyihasini tezkor tayyorlayotgani aytilgan.
Qonun loyihasining maqsadi boshpana izlovchilarning mamlakatga kirishiga yo‘l qo‘ymaslikdir, shuning uchun u deportatsiya qarorlarini to‘g‘ridan to‘g‘ri chegarada qabul qilish imkonini beradi, — deya ta’kidlaydi nashr.
Biroq qonun loyihasi Finlyandiya konstitutsiyasi va Inson huquqlari bo‘yicha xalqaro konvensiya qoidalarini buzgani uchun huquq himoyachilari tomonidan tanqid qilingan.
Rossiya—Finlyandiya chegarasida migrantlar oqimi
2023-yil noyabrida Finlyandiya tegishli hujjatlarsiz muhojirlar oqimi tufayli Rossiya bilan quruqlikdagi chegarasini butunlay yopgan edi. Helsinki Moskvani uchinchi davlat fuqarolarini chegarani kesib o‘tishga undaganlikda ayblagan. Bunga javoban Rossiya TIV matbuot kotibi Mariya Zaxarova Finlyandiyaning chegaradagi vaziyat uchun javobgarlikni Rossiya zimmasiga yuklashga urinishini “beo‘xshov bahonalar” deb atagan.
Izoh (0)