Украина президенти Владимир Зеленский Россия қўшинлари Харьковга яқинлашаётган вазиятда ABC News телеканалига интервью берди. Унда у ҳозирги вазиятга бутун дунё айбдор эканлигини айтди. Зеленскийнинг қўшимча қилишича, Украина Харьковни йўқотишга ҳаққи йўқ, аммо шаҳар атрофида вазият жуда жиддий.
“Бу бутун дунёнинг айби. Улар Путинга бостириб кириш имкониятини беришди. Аммо энди бу ҳужумни қайтариш учун дунё ёрдам бера олади”, — деди Зеленский.
Украина раҳбари журналист билан суҳбат чоғида ҳарбий госпиталга ташриф буюрди. У ерда яраланган аскарлар билан суҳбатлашиб, уларга мукофотлар топширди. Унинг сўзларига кўра, сўнгги бир неча кун ичида ҳалок бўлганлар ва яраланганлар сони юзлаб одамларни ташкил қилган.
Аввалроқ Зеленский Украина иккита Patriot ҳаво мудофаа тизимини олмаса, Харьковни йўқотиши мумкинлигини айтиб ўтганди.
Изоҳ (0)