Эроннинг Машҳад шаҳрида 15 май куни юз берган кучли сув тошқини оқибатида камида 7 нафар маҳаллий аҳоли вакиллари ҳалок бўлган. Бу ҳақда Эрон маҳаллий нашрлари тарқатган маълумотга асосланиб, Anadolu нашри хабар берди.
Манбада айтилишича, ҳодиса оқибатида камида 12 киши бедарак йўқолган. Уларни қидириш учун қутқарув гуруҳлари сафарбар қилинган.
Тошқин кучли ёмғир ёғиши оқибатида келиб чиққани айтилган. Тошқинда ҳалок бўлгани айтилган илк қурбонлар Машҳадда яшовчи аёл ва унинг тўрт нафар фарзанди бўлган.
Машҳад муниципалитети ёнғин хавфсизлиги бошқармаси бошлиғи Ҳамидризо Кафиния қурбонлар ҳақида маълумот берган. Икки нафар фуқаро Машҳаднинг Инкилап майдонида сув остида қолган машина ичида қолиб ҳалок бўлган. Бир нафар аёл ва унинг тўрт нафар фарзанди эса тошқинда хонадонида қамалиб қолиб, ҳалок бўлган.
Қутқарув бригадаси сув тошқини қурбонларига ёрдам кўрсатишни бошлаган. Ҳудудда қидирув-қутқарув ишлари давом эттирилмоқда.
Машҳад губернатори Моҳсен Давери тошқинда жами 150 та уй зарарланганини билдирган. Уларда истиқомат қилувчи 250 га яқин оила шаҳарнинг турли қисмлари ва узоқроқдаги қишлоқларга кўчирилган.
Ижтимоий тармоқларда тарқалган видеоларда шаҳарнинг баъзи қисмларида йўллар тўлиқ ёпилиб қолгани, автомобиллар сувга ботгани ва фуқаролар оммавий кўчирилаётгани кўринган.
Изоҳ (0)