Ukraina ikkita Patriot havo mudofaa tizimini olmasa, Xarkovni yo‘qotishi mumkin. Bu haqda Ukraina prezidenti Vladimir Zelenskiy Amerikaning ABC telekanaliga bergan intervyusida aytib o‘tdi.
“Bizga ikkita Patriot tizimi kerak. Agar ular bizda bo‘lsa, Rossiya Xarkovni bosib ololmaydi”, — dedi u.
Zelenskiy 14-may kuni AQSH davlat kotibi Entoni Blinken bilan uchrashuvda Xarkovni himoya qilish uchun ikkita Patriot tizimini taqdim etishni so‘ragan, biroq amerikalik diplomat unga aniq javob bermagan.
“Vaziyat juda jiddiy”, — deya qo‘shimcha qildi Zelenskiy.
Avvalroq Ukraina rasmiylari Xarkov yaqinidagi vaziyat jiddiy ekanini tan olgan, ammo shaharning taslim bo‘lishi xavfi yo‘qligini ta’kidlagan edi.
Izoh (0)