Тошкент шаҳар ИИББ Йўл ҳаракати хавфсизлиги бошқармаси автомобилга милтилловчи чироқ ўрнатиб ҳаракатланган йигитлар юзасидан маълумот берди.
Ижтимоий тармоқларда бир гуруҳ йигитлар Toyota русумли транспорт воситасига “мигалка” ўрнатиб ҳаракатлангани тасвирланган видео тарқалди.
Тегишли меёрий ҳужжатларсиз, милтилловчи чироқ (“мигалка”) ўрнатиб автомашина бошқариб йўл ҳаракати қоидаларини бузган 18 ёшли Акбаршоҳ исмли ҳайдовчига нисбатан ўрнатилган тартибда маъмурий баённома расмийлаштирилган ҳамда автомашина вақтинчалик сақлаш учун жарима майдончасига жойлаштирилган.
Шунингдек, ҳайдовчи ва унинг уч нафар танишлари билан ҳам профилактик суҳбат олиб борилиб, ҳар бир қилинган ноқонуний ҳатти ҳаракат учун жазо муқаррар эканлигини эслатиб ўтилган.
Бундан олдин Қорақалпоғистондаги тўйда танасини машинадан чиқариб тасвирга олган операторлар ва ҳайдовчи жаримага тортилган эди. Шунингдек, Андижонда 20 ёшли қиз машинадан танасини чиқариб ҳаракатлангани, Самарқандда ҳаракатланаётган Gentraъдан танасини чиқариб, сохта доллар сочган йигитларга чора кўрилгани тўғрисида хабар берилганди.
Изоҳ (0)