Toshkent shahar IIBB Yo‘l harakati xavfsizligi boshqarmasi avtomobilga miltillovchi chiroq o‘rnatib harakatlangan yigitlar yuzasidan ma’lumot berdi.
Ijtimoiy tarmoqlarda bir guruh yigitlar Toyota rusumli transport vositasiga “migalka” o‘rnatib harakatlangani tasvirlangan video tarqaldi.
Tegishli meyoriy hujjatlarsiz, miltillovchi chiroq (“migalka”) o‘rnatib avtomashina boshqarib yo‘l harakati qoidalarini buzgan 18 yoshli Akbarshoh ismli haydovchiga nisbatan o‘rnatilgan tartibda maʼmuriy bayonnoma rasmiylashtirilgan hamda avtomashina vaqtinchalik saqlash uchun jarima maydonchasiga joylashtirilgan.
Shuningdek, haydovchi va uning uch nafar tanishlari bilan ham profilaktik suhbat olib borilib, har bir qilingan noqonuniy hatti harakat uchun jazo muqarrar ekanligini eslatib o‘tilgan.
- Bundan oldin Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgan edi.
- Shuningdek, Andijonda 20 yoshli qiz mashinadan tanasini chiqarib harakatlangani,
- Samarqandda harakatlanayotgan Gentra’dan tanasini chiqarib, soxta dollar sochgan yigitlarga chora ko‘rilgani to‘g‘risida xabar berilgandi.
Izoh (0)