Европа Иттифоқи ҳудудида TikTok блокланиши мумкин. Бу ҳақда Еврокомиссия раҳбари Урсула фон дер Ляенга таяниб, Politico хабар берди.
Ляеннинг таъкидлашича, Европа Комиссияси ходимларига иш телефонларига TikTok ўрнатишни тақиқлаган дунёдаги биринчи ташкилот бўлди. Ўтган ҳафта Европа Комиссиясининг навбатдаги огоҳлантиришидан сўнг TikTok фойдаланувчиларни мукофотлаш дастурини тўхтатди. Еврокомиссия мукофотлаш болаларга салбий таъсир кўрсатиши, гиёҳвандлик ва қарамликни келтириб чиқариши мумкинлигидан шубҳаланади.
17 апрель куни Еврокомиссия TikTokдан TikTok Lite учун хавфларни баҳолаш ҳисоботини талаб қилган. Компания регуляторга ҳужжатларни тақдим этмаган. TikTok 24 соат ичида хавфни баҳолаш ҳисоботини тақдим этиши ва 3 майгача бошқа сўралган маълумотларни топшириши керак. Акс ҳолда, Еврокомиссия жарима солиши ёки Европа Иттифоқида TikTok Lite мукофотлари дастурини тўхтатиб қўйиши мумкин.
Эслатиб ўтамиз, Қозоғистон ва Россияда ҳам TikTok блокланиши мумкин. Қозоғистон маданият ва ахборот вазири Аида Балаева ижтимоий тармоқларда ноқонуний контентлар сони ортиб борётганини бунга сабаб қилиб кўрсатган. Россия эса маҳаллий ижтимоий тармоқларни ривожлантириш мақсадида шундай қарор қабул қилмоқчи.
Изоҳ (0)