Украина тарихида биринчи марта дронлардан фойдаланадиган кўнгиллилардан иборат аёллар бўлинмаси ташкил этилади. Улар мудофаа кучлари билан ҳамкорликда авиатехникадан фойдаланади. Бу ҳақда “Днепр Оперативний” хабар берди.
“Сантяго ордени” дронлар ротаси қўмондони Игор Луценко дронлар билан ишлаш техник саводхонлик, эҳтиёткорлик, аниқлик, асосийси, муҳандислик кўникмалари ва ижодий тактик фикрлашни талаб қилишини айтди. У
аёллар дронлар бўлимига бир неча босқичдаги саралашдан кейингина қабул қилинишини билдирди. Хусусан:
- аёл номзодларнинг жанговар яроқлилиги аниқланади;
- улар ўқув машғулотларида қатнашади;
- хавфсизлик хизмати уларни текширади;
- бўлимга қабул қилиш бўйича якуний қарор чиқарилади.
Ушбу соҳадаги олдинги тажриба ҳам инобатга олинади, яъни дронларни ёки шунга ўхшаш тизимларни ишлатиш, таъмирлаш ва техник хизмат кўрсатиш, ҳарбий хизмат ўтаганлик, электроника ва дастурлаш бўйича ишлаганлик.
Украина аёлларнинг ҳарбий қисмларини шакллантириш тажрибасига эга. Хусусан, биринчи украиналик аёллар бўлинмаси Биринчи жаҳон урушидан олдин Украина ўқотарлари сафида ташкил этилган. Дунёдаги энг машҳур аёллар бўлинмаларидан бири бу Британия аёллар қироллик ҳаво кучларидир.
Изоҳ (0)