Эрон атом бомбасини яратиш учун етарли даражада бойитилган уранга эга бўлишига ойлар эмас, ҳафталар қолди. Бу ҳақда Атом энергияси бўйича халқаро агентлик (МАГАТЭ) бош директори Рафаэль Гросси маълум қилди.
Эроннинг уранни бойитиш даражаси деярли ядровий қурол яратиш учун зарур бўлган даражага етаётгани хавотир уйғотса-да, Эронда бундай қуроллар аллақачон бор, деган хулосага келиш мумкин эмас, — дея қўшимча қилди Гросси.
МАГАТЭ раҳбарининг сўзларига кўра, ишлайдиган ядровий каллакни яратиш бойитилган уран ишлаб чиқаришдан ташқари бошқа нарсаларни талаб қилади. У Эронга “тиббий ва фуқаролик” мақсадлар учун бойитилган ураннинг бунча ҳажмда ва юқори ишлаб чиқариш тезлиги нима учун керак, дея таажжубланган.
МАГАТЭ раҳбари, Россия—Украина урушида Запорожье АЭС мисолида бўлгани каби, ядровий объектларга ҳужумлар билан боғлиқ суҳбатларни нормаллаштиришнинг “ташвишли тенденцияси” пайдо бўлганини таъкидлаган. Гроссига кўра, бундай нормаллаштириш сўнгги 70 йил ичида ядро урушидан қочиш имконини берувчи ядровий қуролни тарқатмаслик режимини босқичма-босқич йўқ қилишга олиб келади.
Изоҳ (0)