Eron atom bombasini yaratish uchun yetarli darajada boyitilgan uranga ega bo‘lishiga oylar emas, haftalar qoldi. Bu haqda Atom energiyasi bo‘yicha xalqaro agentlik (MAGATE) bosh direktori Rafael Grossi ma’lum qildi.
Eronning uranni boyitish darajasi deyarli yadroviy qurol yaratish uchun zarur bo‘lgan darajaga yetayotgani xavotir uyg‘otsa-da, Eronda bunday qurollar allaqachon bor, degan xulosaga kelish mumkin emas, — deya qo‘shimcha qildi Grossi.
MAGATE rahbarining so‘zlariga ko‘ra, ishlaydigan yadroviy kallakni yaratish boyitilgan uran ishlab chiqarishdan tashqari boshqa narsalarni talab qiladi. U Eronga “tibbiy va fuqarolik” maqsadlar uchun boyitilgan uranning buncha hajmda va yuqori ishlab chiqarish tezligi nima uchun kerak, deya taajjublangan.
MAGATE rahbari, Rossiya—Ukraina urushida Zaporojye AES misolida bo‘lgani kabi, yadroviy obyektlarga hujumlar bilan bog‘liq suhbatlarni normallashtirishning “tashvishli tendensiyasi” paydo bo‘lganini ta’kidlagan. Grossiga ko‘ra, bunday normallashtirish so‘nggi 70 yil ichida yadro urushidan qochish imkonini beruvchi yadroviy qurolni tarqatmaslik rejimini bosqichma-bosqich yo‘q qilishga olib keladi.
Izoh (0)