Атом энергияси бўйича халқаро агентлик раҳбари Рафаэл Гросси Эроннинг ядровий бомба яратиши ҳақида ҳеч қандай маълумотга эга эмаслигини айтди. Бу ҳақда у Венада бўлиб ўтган матбуот анжуманида маълум қилди.
“Эрон ўзини қуроллантираётгани ҳақида ҳеч қандай далил ёки ишора йўқ”, — деди у.
Гроссининг қўшимча қилишича, Эрон уранни 60 фоизгача бойитиб, унинг захирасини яратадиган, лекин ядро қуролига эга бўлмаган ягона давлат.
“Бу жуда юқори даража. Улар буни қилишга ҳақли. Шу билан бирга, текшириш тизими ҳам бўлиши керак”, — дея тушунтирди Гросси.
Февраль ойида агентлик Эроннинг уран захираси камайгани ва у учта атом бомбаси ишлаб чиқариш мумкин бўлган назарий чегарадан пастга тушгани ҳақида хабар берган эди.
Изоҳ (0)