Европа Комиссияси раҳбари Урсула фон дер Леен келгуси беш йил ичида Европа Иттифоқи мудофаа саноати салоҳиятини жадаллик билан ошириши кераклиги, бироқ, бу жараён осон кечмаслигини тан олди, дея Deutsche Welle хабар берди.
Бу Европа Иттифоқига аъзо давлатлар, институтлар, саноат ва инвесторлардан янги Европа мудофаа фикрлашини, шунингдек, Украинани қўллаб-қувватлаш учун сиёсий ва маънавий жасоратни талаб қилади. Россия ғалабасининг нархи биз ҳозир тежашимиз мумкин бўлган ҳар қандай маблағдан анча юқори, — деди фон дер Леен.
Унинг фикрича, Европа Иттифоқи ҳудудида уруш муқаррар эмас, лекин буни истисно қилиб бўлмайди. Европа Иттифоқи давлатлари потенциал жангда ўзларини моддий ва технологик устунлик билан таъминлашлари керак. Фон дер Леен Европа Иттифоқининг суверен мудофааси НАТОнинг мустаҳкамланишига ҳисса қўшишига ишонч билдирган.
17 апрель куни Брюсселда Европа Иттифоқи етакчиларининг саммити бошланди, унда Украинага ҳарбий ёрдам бериш, шунингдек, Россиянинг Европа Иттифоқи демократик институтлари фаолиятига аралашуви масалаларини муҳокама қилинмоқда. Саммит 18 апрелгача давом этишги режалаштирилган.
Изоҳ (0)