Yevropa Komissiyasi rahbari Ursula fon der Leyen kelgusi besh yil ichida Yevropa Ittifoqi mudofaa sanoati salohiyatini jadallik bilan oshirishi kerakligi, biroq, bu jarayon oson kechmasligini tan oldi, deya Deutsche Welle xabar berdi.
Bu Yevropa Ittifoqiga a’zo davlatlar, institutlar, sanoat va investorlardan yangi Yevropa mudofaa fikrlashini, shuningdek, Ukrainani qo‘llab-quvvatlash uchun siyosiy va ma’naviy jasoratni talab qiladi. Rossiya g‘alabasining narxi biz hozir tejashimiz mumkin bo‘lgan har qanday mablag‘dan ancha yuqori, — dedi fon der Leyen.
Uning fikricha, Yevropa Ittifoqi hududida urush muqarrar emas, lekin buni istisno qilib bo‘lmaydi. Yevropa Ittifoqi davlatlari potentsial jangda o‘zlarini moddiy va texnologik ustunlik bilan ta’minlashlari kerak. Fon der Leyen Yevropa Ittifoqining suveren mudofaasi NATOning mustahkamlanishiga hissa qo‘shishiga ishonch bildirgan.
17-aprel kuni Bryusselda Yevropa Ittifoqi yetakchilarining sammiti boshlandi, unda Ukrainaga harbiy yordam berish, shuningdek, Rossiyaning Yevropa Ittifoqi demokratik institutlari faoliyatiga aralashuvi masalalarini muhokama qilinmoqda. Sammit 18-aprelgacha davom etishgi rejalashtirilgan.
Izoh (0)