Эрон олий раҳбариятига бўйсунувчи Ислом инқилоби қўриқчилари корпуси 13 апрель куни Ҳўрмуз бўғозида йирик юк ташувчи кемани қўлга олган. Бу ҳақда Al Jazeera нашри хабар берди.
Эрон давлат оммавий ахборот воситаларининг хабар беришича, корпус денгиз бўлинмалари Ҳўрмуз бўғозига кириб келаётган кемага ҳеч қандай огоҳлантиришсиз яқинлашиб, уни ҳибсга олган. Ундан кейинги тафсилотлар ҳозирча маълум эмас.
Манбада айтилишича, кема исроиллик молия магнати Эял Офер бошқарувидаги Zodiac Maritime юк ташиш компаниясига тегишли бўлган. У Португалия байроғи остида сузиб кетаётганида аниқланган.
Аввалроқ Буюк Британия денгиз савдо операциялари бошқармаси ҳам (UKMTO) Амирликларнинг Фужайра шаҳридан 93 километр шимоли-шарқида, Форс кўрфазига олиб кирувчи Ҳўрмуз бўғозига яқин жойда кема Эрон томонидан қўлга олингани ҳақида хабар берилган эди.
Изоҳ (0)