Фарғона вилоятининг Тошлоқ туманидаги мактабда ўқитувчи ўқувчининг қариндошлари томонидан калтаклангани ҳақида хабар берилганди. Вилоят ИИБ ҳолатга изоҳ берди.
Маълум қилинишича, ҳолат Фарғона вилояти ИИБ томонидан ўрганиб чиқилди. 1 апрель куни Тошлоқ тумани, “Садда” МФЙда жойлашган 25-сонли мактаб ўқитувчиси М.О. ва фуқаро А.Х. ўртасида ўзаро келишмовчилик сабабли жанжал келиб чиққан. Жанжал давомида А.Х. М.О.ни қўли билан уриб, унга тан жароҳати етказган.
Ҳозирда М.О.нинг олган тан жароҳатининг оғирлик даражасини аниқлаш мақсадида суд-тиббий экспертизаси тайинланган ҳамда терговга қадар текширув ҳаракатлари олиб борилмоқда.
“Дарё” манбасига кўра, ўқитувчи мактабнинг 9-синф ўқувчиси билан қарама-қаршиликка борган. Шундан сўнг ўқувчининг қариндошлари мактабга келиб, ўқитувчи билан кўришмоқчилигини билдирган ва юқоридаги ҳолат рўй берган.
Ҳолат вилоят ИИБ томонидан назоратга олинган.
Изоҳ (0)