Россияда қийин аҳволдаги ўзбекистонликларга моддий ёрдам берилди 

Россияда қийин аҳволга тушиб қолган ўзбекистонликларга моддий ёрдам берилди. Бу ҳақда Ташқи меҳнат миграцияси агентлиги хабар берди. 

Маълум қилинишича, Ташқи меҳнат миграцияси агентлигининг Россиядаги вакиллари ҳудудлардаги турли корхоналарда бўлиб, иш берувчилар ва меҳнат мигрантлари билан учрашувлар ўтказди. Ленинграддаги “Viboржес” агрохолдинги, Пермдаги “Строй индустрия”, Калугадаги “ЛидерКинг”, Туладаги “Воловский бройлер” корхоналарида ишлаётган юртдошлар ва уларнинг иш берувчилари билан учрашув ташкил этилди.

Волгоград, Воронеж, Пермда ишлаётган юртдошларга ҳуқуқий ва моддий ёрдам кўрсатилди. Санкт-Петербургда оғир молиявий аҳволга тушиб қолган ўзбекистонлик фуқаро Санкт-Петербург—Бухоро авиарейси орқали ватанга қайтарилди.

Рамазон ҳайити муносабати билан Красноярск шаҳрида яшаётган ватандош ҳолидан хабар олинди.