Ижтимоий тармоқларда “Нуробод ММТБ мудири ҳақорат қилган маънавиятчи касалхонага тушди” мазмунида хабарлар тарқалди. Вилоят Мактабгача ва мактаб таълими бошқармаси мазкур хабар ҳақиқатга тўғри келмаслигини маълум қилди.
Мактабгача ва мактаб таълими бўлими ишчи гуруҳи томонидан ҳолат ўрганилганда, 2024 йил 2 апрель куни соат 14:00 да тумандаги барча умумий ўрта таълим мактаблари директорлари иштирокида ўтказилган йиғилишда иштирок этган туман марказига яқин мактаблар директорлари ҳамда бўлим ходимлари яқинда туман мактабгача ва мактаб таълими бўлими мудири вазифасини вақтинча бажарувчи лавозимига тайинланган Л.К. 43-умумтаълим мактабининг маънавият ишлари бўйича директор ўринбосарини ҳеч қандай ҳақорат қилмаганини ўз тушунтиришларида баён қилган.
Мазкур йиғилишда 5 та масала кўрилган, йиғилишда кун тартибига қўйилган масалалар муҳокама қилиб бўлингандан сўнг, йиғилиш якунида соат 15:30 лар атрофида 43-мактабнинг директори ва ўринбосарлари кечикиб келган.
Бўлим бошлиғи в.в.б. Л.К. жорий йилнинг 30 март куни Нуробод туманидаги мактаблар фаолияти билан танишиш мақсадида олис ҳудудда жойлашган 43-умумтаълим мактабида бўлганида соат 10:40 бўлишига қарамасдан мактаб директори Ш.Қ. ўз жойида эмаслиги, шунингдек, синфхоналардаги “синф ойна”ларининг бўш тургани, шкафларнинг эшиклари синиб ётгани, эшик тутқичларининг йўқлиги, деворларда ўқувчилар томонидан ёзилган ҳарфларга мактабдаги масъулларнинг эътиборсизлиги ва масъулиятсизлиги, шунингдек, давомат масаласи танқид қилинган.
Юқорида кўрсатилган камчиликлар юзасидан 43-мактаб директори ва раҳбарларига камчиликларни бартараф этиш юзасидан топшириқлар берилаётган вақтда 43-мактаб директорининг маънавий-маърифий ишлар бўйича директор ўринбосари М.Э. ҳушини йўқотган. Беморни туман тез тиббий ёрдам бўлими олиб кетган.
Текширув хулосасида беморнинг қон босими ошгани қайд этилган. Бўлимнинг мактаблар фаолиятини мувофиқлаштириш шўбаси мудири Т.Х.нинг таъкидлашича, соат 19:30 ларда туман тиббиёт бирлашмасига бориб М.Э.нинг ҳолидан хабар олганида, унинг ҳолати яхши экани, уйига жавоб берилгани ва соғлиғи жойида экани билдирилган.
Изоҳ (0)