Ўзбекистон Олий Мажлисининг болалар ҳуқуқлари бўйича вакилига собиқ турмуш ўртоғи қизининг чет элга чиқишини тақиқлаган аёлдан мурожаат келиб тушди.
Қайд этилишича, эркак сузиш бўйича миллий терма жамоада иштирок этаётган 13 ёшли қизига халқаро мусобақаларга тайёргарлик кўриш ва Осиё ўйинларида иштирок этиш учун хорижга чиқишига рухсат бермай, чет эл паспортини олишига тўсқинлик қилган.
Болалар омбудсмани ва бошқа идоралар эркакка қизининг истиқболи ва келажакдаги имкониятлари ҳақида тушунтирилганидан сўнг у қизига рухсат берди, —дейилади хабарда.
Аввалроқ Бухоро вилоятида 15 яшар қиз соғлом бўлса-да, руҳий-асаб касалликлар диспансеридан олиб кетилмаётгани айтилганди. Шунингдек, самарқандлик қиз болалар омбудсманига мурожаат қилиб, Қашқадарёдаги хонадонларнинг бирида аёл уни фоҳишаликка мажбурлаганини маълум қилган эди.
Изоҳ (0)