O‘zbekiston Oliy Majlisining bolalar huquqlari bo‘yicha vakiliga sobiq turmush o‘rtog‘i qizining chet elga chiqishini taqiqlagan ayoldan murojaat kelib tushdi.
Qayd etilishicha, erkak suzish bo‘yicha milliy terma jamoada ishtirok etayotgan 13 yoshli qiziga xalqaro musobaqalarga tayyorgarlik ko‘rish va Osiyo o‘yinlarida ishtirok etish uchun xorijga chiqishiga ruxsat bermay, chet el pasportini olishiga to‘sqinlik qilgan.
Bolalar ombudsmani va boshqa idoralar erkakka qizining istiqboli va kelajakdagi imkoniyatlari haqida tushuntirilganidan so‘ng u qiziga ruxsat berdi, —deyiladi xabarda.
Avvalroq Buxoro viloyatida 15 yashar qiz sog‘lom bo‘lsa-da, ruhiy-asab kasalliklar dispanseridan olib ketilmayotgani aytilgandi. Shuningdek, samarqandlik qiz bolalar ombudsmaniga murojaat qilib, Qashqadaryodagi xonadonlarning birida ayol uni fohishalikka majburlaganini ma’lum qilgan edi.
Izoh (0)