Рустам Сулаймонов Навоий вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди. Бу ҳақда вилоят ҳокимлиги матбуот хизмати хабар берди.
Рустам Давутович 1982 йил Бухоро вилоятининг Шофиркон туманида туғилган. Маълумоти олий, 2004 йил Тошкент давлат иқтисодиёт университетини, 2012 йилда эса Банк-молия академиясини иқтисодиёт, банк иши мутахассислиги бўйича тамомлаган, иқтисодчи.
Тайинловга қадар “Микрокредитбанк” акциядорлик-тижорат банки бошқаруви раиси ўринбосари лавозимида ишлаган.
Мазкур лавозимда 2021 йилдан бери Тўлқин Отамуродов ишлаб келаётганди. У ҳам “Микрокредитбанк” акциядорлик тижорат банки бошқарув раисининг биринчи ўринбосари лавозимида фаолият юритган.
Изоҳ (0)