Мажбурий ижро бюросининг Андижон шаҳар бўлимига 2024 йилнинг биринчи чорагида жисмоний ва юридик шахслардан жами 806 та мурожаат келиб тушди. Бу ҳақда ЎзА хабар берди.
Қайд этилишича, келиб тушган мурожаатларнинг 675 таси белгиланган тартиблар асосида кўриб чиқилган. Уларнинг 263 таси қаноатлантирилган бўлса, 462 тасига ҳуқуқий тушунтиришлар берилган.
Жисмоний ва юридик шахслардан келиб тушган мурожаатлар соҳалар бўйича таҳлил этилганида, уларнинг 282 таси алимент, 363 таси қарз ва зарарни ундириш, 2 таси ноқонуний қурилмани буздириш, 9 таси хорижга чиқиш ҳуқуқларини вақтинча чеклашни бекор қилиш ва 61 таси бошқа масалаларни ташкил этган.
Мурожаатларни кўриб чиқиш жараёнида 213 нафар фуқаронинг бузилган ҳуқуқлари тикланиб, уларнинг фойдасига 2,4 миллиард сўм миқдорида маблағ ундириб берилган.
Март ўрталарида Тошкент шаҳрининг Шайхонтоҳур туманида МИБ алимент тўламаётган фуқародан фарзандига 106,7 млн сўм ундириб берганди.
Изоҳ (0)