Қашқадарёда ота уч фарзанди учун алимент эвазига Тошкентдан уй совға қилди, деб хабар бермоқда МИБ ахборот хизмати раҳбари Фаррух Тошпўлатов хабар берди.
Унга кўра, Мажбурий ижро бюроси Яккабоғ туман бўлими иш юритувида фуқаролик ишлари бўйича Яккабоғ туманлараро судининг суд буйруғига асосан қарздор Э.Б.дан, ундирувчи Г.Х. фойдасига уч нафар вояга етмаган фарзандлари таъминоти учун 1/2 қисм миқдорида алимент ундириш ҳақидаги ижро иши мавжуд.
Олиб борилган мажбурий ижро ҳаракатлари давомида, қарздор ва ундирувчининг ўзаро келишувига асосан, қарздор фарзандлари 18 ёшга тўлгунига қадар бўлган алимент пуллари ҳисобига Тошкент шаҳри, Сергели туманида жойлашган хонадонлардан бирини ҳадя қилди ҳамда мазкур хонадон ундирувчининг номига расмийлаштириб берилди.
Шу сабаб ижро ҳужжатининг ижроси амалда тамомланди.
Изоҳ (0)