Toshkent shahrining Shayxontohur tumanida MIB aliment to‘lamayotgan fuqarodan farzandiga 106,7 mln so‘m undirib berdi. Bu haqda Bosh prokuratura matbuot xizmati xabar berdi.
Maʼlum qilinishicha, Toshkent shahrida 2024-yilning yanvar-fevral oylarida jismoniy va yuridik shaxslardan jami 3 832 ta murojaat kelib tushgan. Shundan 3 254 tasi ko‘rib chiqilib, 1 015 ta murojaat qanoatlantirilgan, 2 239 ta murojaatga huquqiy tushuntirish berilgan.
Murojaatlarni ko‘rib chiqish mobaynida 914 ta holatda jismoniy va yuridik shaxslarning buzilgan huquqlari tiklangan.
Fuqaro Ch.Yunusova bir nafar farzandiga aliment undirib berilmayotganidan norozi bo‘lib qilgan murojaati byuroning Shayxontohur tuman bo‘limida o‘rganildi. Olib borilgan majburiy ijro harakatlari natijasida murojaatchiga qarzdordan 106,7 mln so‘m undirib berildi.
Izoh (0)