Юлдузларнинг фарзандлари ота-она изидан бориб, ижтимоий тадбирларда улар билан бирга бўлишса-да, машҳурликка эриша олмайди.
Дикон Филипп — Риз Уизерспуннинг ўғли
Актрисанинг уч нафар ажойиб фарзанди бор. Аммо мухлислар тобора қизларнинг севимлисига айланиб бораётган 20 ёшли Дикон Филиппга кўпроқ қизиқади. У келишган ташқи кўриниши учун онаси Риз Уизерспундан қарздор. Дикон ота-онасининг изидан боришга ва ижодкор бўлишга қарор қилди. 2020 йилда у шотландиялик қўшиқчи Нина Несбитт билан бирга ўзининг биринчи “Long Run” синглини чиқарди.
Дикон ўзини актёрлик соҳасида ҳам синаб кўрди ва Netflix’нинг ўсмирлар учун мўлжалланган “Мен ҳеч қачон...” шоусида дебют қилди. Аммо у ҳали ҳам мусиқани афзал кўради. Уизерспуннинг ўғли қўшиқ айтиш ва продюсерлик билан жиддий шуғулланмоқчи. Ўтган йилнинг апрель ойида у “А Nеw Earth” дебют альбомини чиқарди.
Онор Мери Уоррен — Жессика Альбанинг қизи
Жессика Альбанинг тўнғич қизи Онор Мери Уоррен ҳозир 15 ёшда. Актрисанинг тан олишича, шундай вақтлар бўлганки, балоғат ёшидаги Онор билан муносабатларида қийинчиликларга дуч келган. Шундан сўнг она-бола ҳатто психотерапияга бирга боришган. Бу уларнинг муносабатларини яхшилашга ёрдам берган. Ҳозирда улар ҳавас қиларлик муносабатларга эга.
Айтганча, Жессикани Тhе Honest Company’ни яратишга илҳомлантирган ҳам Онор бўлган. Мазкур компания истеъмол товарлари ва зарарли моддалар бўлмаган маиший маҳсулотлар ишлаб чиқаради. Биринчи ҳомиладорлигида актрисанинг тозалаш воситаларига аллергияси бўлган. Натижада Альба ҳар қандай ёшдаги одамлар учун юқори сифатли ва хавфсиз уй-рўзғор буюмларини яратишга қарор қилади.
Ҳозирда Онорнинг ижтимоий тармоқдаги аккаунти ёпиқ. Эҳтимол, ёши туфайли қиз ўз ҳаётини кенгроқ аудиторияга кўрсатишга ҳали тайёр эмасдир. Аммо унинг бир нечта фотосуратлари сақланиб қолган.
Жеймс Уилки — Сара Жессика Паркернинг ўғли
Сара Жессика Паркернинг биринчи фарзанди ҳозир 21 ёшда. Актриса ҳеч қачон ўғлини жамоатчиликдан яширмаган ва уни тез-тез ижтимоий тадбирларга олиб боради.
Йигитча ижтимоий тармоқларда фаол эмас. Жеймс дўстлари билан вақт ўтказишни, саёҳат қилишни яхши кўради ва спорт билан шуғулланади. ОАВ учун у фақат “Сара Жессика Паркернинг ўғли” сифатида танилган.
Бриа Mёрфи — Эдди Mёрфининг қизи
Эдди Mёрфи ўн фарзанднинг отаси эканлигини кўпчилик билмайди. Болалари ичида энг истеъдодлиси — қизи Бриа Mёрфи, у 1989 йилда модел Николь Митчелл билан никоҳидан туғилган. Бриа отасининг изидан бориб, актриса бўлди. У ҳозирча энг машҳур ва юқори маош олувчи юлдузлар қаторига кира олмаган, лекин ҳали олдинда узоқ йўл бор. Бриа “Ўйин”, “Дада”, “Барча катталар каби”, “Мукаммал танлов” лойиҳаларида рол ўйнаган. 2022 йилнинг ёзида Бриа Майкл Хавьерга турмушга чиқди.
Изоҳ (0)