Туркияда шифохонадан 50 млн сўмдан зиёд қарз бўлиб қолган ўзбекистонликка ёрдам кўрсатилди, деб хабар бермоқда Бош консулхона ахборот хизмати.
Қайд этилишича, 2024 йилнинг бошларида Туркияга келиб, оғир касал бўлиб Samsun Eğitim Araştırma давлат шифохонасига тушиб қолган фуқародан мурожаат келиб тушган. У шифохонадан 137 000 турк лираси (53 миллион сўмдан зиёд) миқдорида қарз бўлиб қолган.
Анқара шаҳридаги элчихона ва Истанбул шаҳридаги Бош консулхона биргаликда ҳамда “АДС ҳуқуқ” адвокатлик фирмаси билан ҳамкорликда фуқаронинг шифохона тўловларини аксарият қисмини қисқартирган ҳолда Ўзбекистонга етиб олиши таъминлаб берилди.
“Бу ҳолат юзасидан ёрдам берган фаол ватандош ва “АДС ҳуқуқ” адвокатлик фирмаси ходимларига ўз миннатдорчилигимизни билдирамиз”, — дейилади хабарда.
Изоҳ (0)