Буюк Британия Ғазога ўзининг энг катта ёрдам пакетини жўнатди

Буюк Британия ҳукумати 20 март куни Ғазо секторига ўзининг энг катта ҳажмдаги гуманитар ёрдам пакетини жўнатган. Бу ҳақда CNN нашри хабар берди.

Ёрдам пакети юборилгани ҳақида мамлакат Ташқи ишлар вазирлиги баёнот берган. Ушбу ёрдам юклари Ғазо шаҳри ва сектор жанубидаги Рафаҳ ҳудудларига йўналтирилиши маълум қилинган.

Британия расмийлари маълум қилишича, ёрдам пакети қамалдаги Ғазо ҳудудига Иордания қуруқлик коридори орқали киритилиши режалаштирилган. Гуманитар ёрдам пакети ҳажми 2000 тоннани ташкил этади. У асосан, озиқ-овқат маҳсулотларидан иборат. Лондон расмийлари ушбу ҳажмдаги озиқ-овқат 275 минг нафар ғазоликка тарқатиш учун мўлжалланганини маълум қилган.

Гуманитар ёрдам юклари, шунингдек, бойитилган буғдой уни, иссиқ овқатлар ва ярим тайёр озуқалардан иборат эканлиги айтилган.

“Озиқ-овқат юклари Ғазодаги 275 мингдан ортиқ аҳолини озиқлантириш учун ишлатилади. Ҳар бир озиқ-овқат тўплами беш кишилик оила учун мўлжалланган бўлиб, консерваланган сабзавот, гўшт, балиқ ва хурмолардан иборат. Ёрдам пакети аҳолининг кунлик калория эҳтиёжининг ярмини қондира олади”, — деган Буюк Британия расмийси.

Етказиб бериш ўтган чоршанба куни келган ва UNICEF томонидан тарқатиладиган Буюк Британия томонидан молиялаштирилган 150 тонна ёрдам буюмлари, жумладан, адёл ва чодирларни қўшади, деди Ташқи ишлар вазирлиги.

Хабарда қўшимча қилинишича, Ғазода иш олиб бораётган UNICEF бўлимлари 20 март куни яна 150 тонна озиқ-овқат маҳсулотлари оч аҳолига топширилишини хабар қилган. Рафаҳ ҳудудида Британия ташаббуси билан дала шифохоналари ташкил этилиши айтилган.