Германияда туғилиш даражаси 2009 йилдан бери энг паст даражага тушди. Бу ҳақда Аҳоли динамикаси федерал институти пресс-релизида айтилган.
“Охирги икки йилда Германияда туғилиш сезиларли даражада камайди. 2021 йилда ҳар бир аёлга 1,57 бола тўғри келган бўлса, 2023 йилнинг кузида тахминан 1,36 болага тушди. Бу туғилиш коэффициенти сўнгги 10 йилга нисбатан пастроқ эканлигини англатади”, — дейилади хабарда.
Статистик маълумотларга кўра, мамлакатда туғилиш даражаси 2009 йилдан бери энг паст даражага тушди.
Мутахассислар сабаб сифатида замонавий инқирозларни, жумладан, пандемиядан ташқари, Украинадаги можаро, инфляциянинг ўсиши ва иқлим ўзгаришини кўрсатмоқда.
Аввалроқ 2024 йил январь–февраль ойларида Ўзбекистонда 137 457 нафар тирик туғилиш ҳолатлари қайд этилгани хабар қилинган бўлиб, бу 2023 йилнинг мос давридан 2,6 фоиз камлиги айтилганди.
Изоҳ (0)