Нигер исёнчилари Вашингтон билан ҳарбий келишувни бузганидан сўнг, Қўшма Штатлар Африкада қўшинларини жойлаштиришнинг муқобил вариантларини кўриб чиқмоқда. Бу ҳақда Сенат қуролли кучлар қўмитаси раиси Жек Рид маълум қилди, дея хабар берди “ТАСС”.
Бир неча ой олдин биз Нигердан у ерда вазият ноқулай бўлиб бораётгани ҳақида хабарларни олдик. У ердаги сиёсий вазият тобора чигаллашиб бормоқда. Шу сабабли АҚШ Африка қўмондонлиги муқобил вариантларни кўриб чиқа бошлади, — деди сенатор Мудофаа ёзувчилари гуруҳи билан онлайн учрашувда.
Риднинг таъкидлашича, АҚШ ҳарбийлардан ташқари Африкада дипломатик ваколатларини ҳам ўрнатиши лозим.
Биз элчиларимизни тайинлашни тез амалга оширишимиз зарур, чунки улар армиянинг исталган тармоғи каби самарали бўлиши мумкин, — деди сенатор.
Нигердаги вазият ва АҚШ билан келишувнинг бузилиши
16 март куни Нигердаги исёнчилар АҚШ билан ҳарбий келишувни бекор қилганини эълон қилган эди. Бу қарор Америка расмийларининг ташрифидан сўнг қабул қилинган. Мамлакат шимолида дронларга эга Америка базаси жойлашган. 2023 йил охирида Нигерда 1,1 мингга яқин АҚШ ҳарбий хизматчиси бўлган.
Изоҳ (0)