АҚШ собиқ президенти Дональд Трамп мамлакатни амалдаги президент Жо Байден эмас, унинг “атрофидаги ақлли ва ёвуз одамлар” бошқаришини маълум қилди. Бу ҳақда “РИА Новости” хабар берди.
“У АҚШни бошқарадими, деган савол туғилади, чунки у доим йўқдай кўринади. Мамлакатни бошқаришига ишончим комил эмас. Биламан, у қарорларни маъқуллаши керак, нимадир қилишдан олдин унга мурожаат қилишади, у эса маъносиз нигоҳ билан рози бўлади”, — деди у.
Трамп АҚШни Байден атрофидаги “ақлли ва ёвуз одамлар” бошқариши, амалдаги президентнинг ўзи эса имкон қадар “тезроқ уйқуга кетишни хоҳлаши”ни айтди. Бунгача Трамп амалдаги президент юритаётган сиёсат туфайли “АҚШ Хитойнинг қўғирчоғига айлангани”ни айтганди.
Унинг сўзларига кўра, Оқ уйнинг ҳаракатлари “АҚШ иқтисодини вайрон қилди” ва муҳожирларнинг бостириб киришига ва инфляциянинг ошишига сабаб бўлди. АҚШнинг собиқ президенти ҳамма нарсани қайтаришнинг энг осон йўлини уни (Трампни) президент этиб сайлаш эканини айтган.
Изоҳ (0)