Қўшма Штатлар Россия ва Хитой билан стратегик қуролларни назорат қилиш бўйича икки томонлама музокараларга киришмоқчи. Бу ҳақда АҚШнинг БМТдаги доимий вакили Линда Томас-Гринфилд 18 март куни БМТ Хавфсизлик кенгаши йиғилишида маълум қилди, дея хабар берди Deutsche Welle.
Унинг сўзларига кўра, Вашингтон зудлик билан ва ҳеч қандай шартларсиз музокараларга тайёр.
Россия Стратегик ҳужум қуролларини янада қисқартириш ва чеклаш бўйича чора-тадбирлар тўғрисидаги шартномадаги иштирокини тўхтатди.
Кремль матбуот котиби Дмитрий Песков аввалроқ Қўшма Штатлар билан ҳозирги муносабатлар шунчалик ёмонки, бундай музокаралар ҳақида ҳали гапиришнинг иложи йўқлигини маълум қилганди. Россия ташқи ишлар вазири Сергей Лавров Украина билан уруш давом этаётган бир пайтда Россия АҚШ билан мазкур шартномани қайта тиклаш бўйича музокаралар олиб бормаслигини айтган.
Россия ядровий ракета қуролларини назорат қилиш бўйича янги келишувларни ҳисобга олган ҳолда Қўшма Штатлар билан стратегик мулоқот учун асосни кўрмаяпти, — деди Полянский БМТ Хавфсизлик Кенгашидаги “Ядровий қуролсизланиш ва ядро қуролини тарқатмаслик” мавзусидаги очиқ мунозарада.
Изоҳ (0)