Тошкент вилояти Паркент туманидаги метан заправкада Nexia автомобилининг газ баллони портлаб кетди, деб хабар беради ФВВ матбуот хизмати.
Қайд этилишича, 9 июнь куни соат 09:55 да Паркент тумани “Қайилма” МФЙ, А.Навоий шох кўчасида жойлашган автомобилларга газ қуйиш шохобчаларининг бирида Nexia-1 русумли автомашинага газ қуйиш вақтида унга ўрнатилган газ баллонда ёрилиш ҳодисаси рўй берган.
Оқибатда Nexia-1 автомобили ва унинг яқинида бўлган иккита Damas русумли автомашиналарга турли даражада зарар етган. Зудлик билан воқеа жойига ФВВ қутқарувчилари ва тегишли ташкилот вакиллари етиб борган. Вазият оқибатлари бартараф этилмоқда. Ҳодиса оқибатида тан жароҳати олган ва ҳалок бўлганлар йўқ.
Газ баллонларининг портлашига боғлиқ ҳолатлар
Май бошларида Қашқадарё вилояти Муборак туманидаги газ қуйиш шохобчасида Nexia-2 машинасига ўрнатилган газ баллонида портлаш содир бўлганди. Февраль охирларида эса Самарқанддаги метан заправкада Nexia-3 газ баллони портлаши оқибатида бир нафар ишчи ҳалок бўлган. Шунингдек, Қорақалпоғистондаги заправкада Nexia-2’нинг, Андижондаги газ заправкада эса Damas’нинг газ баллони портлагани тўғрисида хабар берилганди.
Изоҳ (0)