Тошкент вилояти божхона бошқармасининг “Ойбек” чегара божхона постида божхона ходимлари ҳамда ДХХ чегара қўшинлари ҳарбий хизматчилари билан ҳамкорликда қўшни давлатдан кириб келган юк автотранспорт воситаси божхона кўригидан ўтказилганида тиркама остига 2 дона полиэтилен ўрам магнит воситасида ёпиштирилгани аниқланди. Бу ҳақда Давлат божхона қўмитаси матбуот хизмати хабар берди.
Маълум қилинишича, ушбу ўрамлар холислар иштирокида очиб кўрилганида уларнинг ичида 1 кг 981 грамм гашиш гиёҳвандлик воситаси борлиги аниқланган.
Ҳозирда ҳолат юзасидан божхона органлари томонидан терговга қадар текширув ҳаракатлари олиб борилмоқда.
Изоҳ (0)