“Меҳридарё” лойиҳасига Қўқон шаҳрида яшовчи Зиёдахон Абдуллаева мурожаат қилиб, оққонга чалинган қизи Зуҳра Номозбоевани даволатиш учун халқдан ёрдам сўради.
— Эгизак қизларимнинг кенжаси Зуҳрахон 2022 йилдан буён оққон касаллигига қарши даволаниб келади. Ҳозир ҳам Тошкентдаги болалар гематология марказида даволаняпмиз. Афсуски, унда қулоқ касаллиги ҳам аниқланди. Кундан-кунга эшитиш қобилиятини йўқотяпти. Яъни қулоқ пардаси орқали сув йиғилиб бораётган экан. Шифокорларнинг айтишича, тезда кучли антибиотикларни қўллаш ёки жарроҳлик амалиётини ўтказиш керак. Шифокорлар ёзган қоғоз билан дорихонага бордим, аммо бизга керакли бўлган антибиотикнинг бир ампуласи 350 минг сўм экан. Пулим йўқ, турмуш ўртоғим биздан воз кечган. Уч болам билан ота-онамнинг уйида яшаймиз. Бемор болам сабаб ишга ҳам чиқолмайман. Шу боис одамлардан ёрдам сўрашга мажбур бўлдим.
“Зуҳрахоннинг эгизак опасида ҳам касаллик бошланиши мумкин”, деган гапни эшитиб кучли депрессияга тушиб қолдим. Боланинг жони оғриши она учун оғир дард экан. Қизим ҳар куни “Она энди яна бир касаллик билан курашишим керакми?” деб йиғлайди. Ёши улғайиб қолгани учун қулоғининг эшитмаётганини оғир қабул қиляпти. Шу боис халқдан ёрдам сўраб, унинг эшитиш қобилиятини сақлаб қолишга ҳаракат қилмоқчиман. Улуғ айём кунлари саховатпеша инсонлар бизга ёрдам беришларидан умидворман, — дейди Зиёдахон Абдуллаева.
Зуҳрахон Намозбоевага хайрия қилишни истасангиз,
8600 0417 3447 5628 (Абдуллаева Зиёдахон)
Мурожаат учун: +99890) 570-49-85
Изоҳ (0)