“Меҳридарё” лойиҳасига Андижон вилояти Қўрғонтепа туманида яшовчи Камола Раҳимбердиева мурожаат қилиб, Ҳиндистонда жарроҳлик амалиётига тайёрланаётган турмуш ўртоғи Жасурбек Йўлбарсов учун халқдан ёрдам сўради.
— Турмуш ўртоғим икки йилдан буён оққондан даволанаётганди. Аммо Ўзбекистонда қилинган муолажалар натижа бермади. Кун сайин касаллик ички органларга ҳам тарқаб кетяпти. Шу боис, уни Ҳиндистонга олиб боришга мажбур бўлдик. Икки ойдан буён Деҳли шаҳридаги клиникада даволаняпти. Аввалига мен қарадим, бир ярим ёшли қизим ичикиб, касал бўлиб қолгани учун Ўзбекистонга қайтишга мажбур бўлдим. Ҳозир турмуш ўртоғимга қайнонам қарамоқда. Кимё терапия муолажаларини олди, операция 25 февралга белгиланган.
Жарроҳлик амалиёти 50 минг АҚШ долларига ўтказилади, бизда 35 минг доллар бор. Яна 15 минг доллар керак. Агар бу пулни 25 февралга қадар Ҳиндистонга жўнатмасак, операция яна ортга сурилади.
Турмуш ўртоғим халқдан ёрдам сўрашимга қарши бўлди. Аммо нима қилай, қўлимдан бошқа иш келмайди. Болаларим етим қолишини истамайман. Яхши инсонлар, турмуш ўртоғимнинг жарроҳлик амалиёти учун қўлингиздан келганча ёрдам беринг, илтимос, — дейди беморнинг турмуш ўртоғи Камола Раҳимбердиева.
Жасурбек Йўлбарсовга хайрия қилишни истасангиз,
5614 6818 1635 2649
9860 1601 0290 7567
(Рахимбердиева Камола)
Мурожаат учун: +998 94) 431 62 64
Изоҳ (0)