“Касалликдан қийналиб кетдим” — бачадон саратони ва юқори қон босимидан азият чекаётган аёл халқдан ёрдам сўрамоқда (видео)

“Меҳридарё” лойиҳасига Тошкент вилоятида яшовчи Муборак Комилова мурожаат қилиб, ўзи ва турмуш ўртоғининг даволаниши учун халқдан ёрдам сўради.

— Икки йил олдин инфаркт бўлдим. Қон босимим тинимсиз ошавергач, текширтирсам, бўйнимдаги асосий томир яхши ишламаётган экан. Шифокорлар жарроҳлик йўли билан даволаш кераклигини айтишяпти. Бундан ташқари, икки йилдан буён бачадон саратонидан тузалиш учун ҳам муолажа оламан. Ўсимта ривожланиб кетмаслиги учун тинимсиз даволаниб туришим, кимётерапия муолажаларини олишим керак. Пешона экан, турмуш ўртоғим автоҳалокатга учрагандан сўнг ўнг қўли ишламай қолди. 

Шукрки, иккита қизим бор. Кенжа қизим биз билан яшайди. У ҳам боғчада оддий ходим бўлиб ишлайди, бемор ота-онасини даволатишга имконияти бўлмаяпти. Тинимсиз ошадиган қон босими ва нафас етишмовчилиги мени қийнаб қўйди. Операция нархи 10 миллион сўм бўлар экан. Уйимизда сотиш учун қўлга илинарли нарса қолмаган. Ҳеч кимдан яширмайман, икки йил ичида даволаниш учун бор имкониятни ишга солдик. Бор умидим операциядан бўлгани учун халқдан ёрдам сўрашга мажбур бўлдим. Яхши инсонлар, қизларим ва набираларим бахтига соғайиб кетишим учун қўлдан келганча ёрдам беринг, — дейди Муборак Комилова.

Оилага хайрия қилишни истасангиз,

8600 0529 8594 6712  Холиқова Моҳира (қизи)

Мурожаат учун: +99897 709-66-68