Айни дамда Ҳиндистоннинг Деҳли шаҳридаги клиникаларнинг бирида фарзанди Афруза Қодировани даволатаётган онаси Марҳабо Қодирова “Меҳридарё” лойиҳасига мурожаат қилиб, халқдан ёрдам сўради.
— Қизим Афрузахон Абдужалил қизи 2022 йили дунёга келган. Соғлом бола эди. 2023 йилнинг ёз ойидан бошлаб қорни шишиб, тоби қочди. Қисқа вақтда қорин соҳасидаги томирлари бўртиб ташқи томонга чиқиб кетди. Кўплаб шифокорларга учрадик, томир касалликлари бўйича бир неча бор даволандик. Аммо касаллиги кундан-кунга зўрайиб кетаверди. Ноябрь ойида қорнида хафли ўсимта борлиги аниқланди. Шундан кейин онкология бўйича даволатишни бошладик, бир курс кимё терапия муолажаларини олди. Аммо ҳеч қандай натижа бўлгани йўқ. Шундан кейин халқнинг ёрдамида уни Ҳиндистонга олиб келдик. Бу ерлик шифокорлар қизимда оққоннинг энг оғир тури борлигини аниқлади. Болам айни кунда кимё терапия муолажаларини олмоқда. Агар натижа бермаса, жарроҳлик амалиётини ҳам ўтказиш кераклигини айтишяпти. 20 АҚШ доллари билан Ҳиндистонга келгандик, бир неча ойдан буён шу ерда яшаб, даволатяпмиз. Дори-дармонлари жуда қиммат. Беш ойлик муолажа учун 45-50 минг АҚШ доллари кераклигини айтишяпти. Ота-она сифатида қўлимиздан келганини қиляпмиз, аммо моддий томондан анча қийналиб қолдик. Шу боис, халқдан ёрдам сўрашга мажбур бўлдик. Ҳеч кимнинг фарзанди оғримасин, ҳеч бир инсон мусофир юртда қийналмасин, — дейди беморнинг онаси Марҳабо Қодирова.
Афруза Қодировага хайрия қилишни истасангиз,
8600 1204 7583 4035 (Қодиров Абдужалил)
Мурожаат учун: +99891) 123-05-70 (бувисининг рақами)
Изоҳ (0)