“Меҳридарё” лойиҳасига Фарғона вилояти Тошлоқ туманида яшовчи эр-хотин Расулжон Абдуллаев ва Гулнора Юсуповалар мурожаат қилиб, саратон касаллигига чалинган тўнғич ўғли Муҳаммаддиёр Мадолимовни даволатиш учун халқдан ёрдам сўради.
— Уч нафар фарзандимиз бор. Тўнғич фарзандимиз Муҳаммаддиёр 2010 йилда дунёга келган. Бир йил аввал унда саратон касаллиги аниқланди. 2023 йилнинг июнь ойидан буён фарзандимизни Тошкентда даволатдик. Бир йил давомида кимётерапия муолажаларини олди. Аммо бу муолажалар таъсир қилмади, шу боис шифокорлар Ҳиндистонда жарроҳлик амалиётини ўтказишни маслаҳат беряпти. Бир йил ичида бор маблағимизни сарфладик. Чунки кимётерапия дори-дармонлари ҳам арзон турмайди.
Саховатпеша инсонлар, илтимос, ўғлим соғайиб кетиши учун ёрдам беринг. Бир йилдан буён мактабга бормайди, бемалол ҳаракатлана олмайди. Оёқлари тинимсиз оғрийди, бола бўлиб ўйнаб-кулолмайди. Кун сайин касаллик уни ҳолдан тойдиряпти, — дейди беморнинг онаси Гулнора Юсупова.
Муҳаммаддиёр Мадолимовга хайрия қилишни истасангиз,
5614 6821 2369 8492 Абдуллаев Расулжон (отаси)
Мурожаат учун: +998 99) 995-55-32
Изоҳ (0)