“Меҳридарё” лойиҳасига фарзандлари билан Тошкентда, ижара уйда яшаётган Наргиза Ҳолиқулова мурожаат қилиб, бахтсиз воқеа сабаб тўшакка михланиб қолган ўғли Бегзод Лапасовни даволатиш учун халқдан ёрдам сўради.
— Тўрт нафар фарзандим бор, етти йилдан буён турмуш ўртоғим билан бирга яшамаймиз. Кўп қийинчиликларни бошдан кечирдим, турмуш ўртоғим тинимсиз спиртли ичимлик ичгани учун болаларини олиб уйдан чиқиб кетганман. Айни дамда икки ўғлим ва қизим билан Тошкентда ижара уйда яшаймиз. Яна бир ўғлим эса отаси билан қолган.
Ёзда ўғлим Бегзод Лапасов отасини кўргани Чинозга борганда ўртоқлари каналда сузишга чақирган. Ўша ерда бахтсиз ҳодиса рўй бериб, баландликдан сакраганида боши билан ерга тушган. Ўртоқлари қўрқиб уни тортган, шунда бўйнидаги нерв томирлари узилиб кетган. Аввал Чинозда, кейин Тошкентда даволатдик. Шифокорларга минг раҳмат, олти соат операция қилиб, ўғлимнинг жонини сақлаб қолишди. Ўғлим икки ой деганда касалхонадан чиқди. Аммо ҳалигача қўл оёғи ишламайди. Шол бўлиб қолди. Овқат ва сувни ҳам ўзим оғзига тутаман, гап-сўзлари жойида, аммо қимир этмайди. Маблағим бўлмагани учун уни даволата олмаяпман. Дориларини ҳам вақтида олиб беролмайман. Tashkent City’да қозон ювувчи бўлиб ишлайман, топганимиз ижара уй ва рўзғордан ортмайди. Ўғлим жуда қийналиб кетди, илтимос яхши инсонлар, бизга ёрдам беринг. Хорижга олиб бориб даволатолмасам ҳам, ҳеч бўлмаса тошкентлик шифокорлар қабулига олиб борай. Она ҳеч қачон умидини узмас экан, мен ҳам боламнинг соғайиб кетишидан умидворман, — дейди Наргиза Ҳолиқулова.
Бегзод Лапасовга хайрия қилишни истасангиз,
4023 0602 3888 3150
5614 6821 2364 4629
Халикулова Наргиза (онаси)
Мурожаат учун: +99899 301-01-75
Изоҳ (0)