Болливуд олами янгиликларида Дипика Падуконе ва Ранвир Сингҳ ҳақида узоқ кутилган шов-шувли хабар тарқалди. Иқтидорли актёрлар оиласи шу йил фарзандли бўлади.
Дипика Падуконе ҳомиладор бўлиши мумкинлиги ҳақидаги миш-мишлар ‘‘BAFTA — 77’’ мукофотини топшириш маросимида актрисанинг чиқишидан сўнг тарқалган эди.
Ранвир ва Дипика илк бор 2012 йилда суратга олиш майдонида танишиб қолган ва олти йилдан сўнг турмуш қурган. Эр ва хотин яқинда фарзадли бўлиши ҳақидаги хабарни ўзларининг Instagram саҳифаларида ҳам тасдиқлади. Ҳозирда Дипика ҳомиладорликнинг иккинчи триместрида.
Дипика ва Ранвир режиссёр Санжай Лила Бҳансалининг “Рам ва Лила” фильмини суратга олиш жараёнидан бошлаб илиқ муносабатлар ўрнатган бўлса-да, улар узоқ вақт давомида буни оммадан яширишга ҳаракат қилди. Шунингдек, актёрлар биргаликда “Баджиаро ва Мастани” ҳамда “Падмаавати’’ каби машҳур фильмларда суратга тушган.
Дипика ҳаётидаги асосий истаги кўп фарзандли бўлиш эканлигини яширмайди, чунки у оилани болаларсиз тасаввур эта олмайди. Ранвир эса журналистларга берган интервьюлардан бирида қиз фарзанди кўпроқ бўлишини исташини айтган эди, чунки унинг фикрича, қизлар жуда меҳрибон, ақлли ва ёқимтой бўлади
Изоҳ (0)