Ҳиндистонлик актриса Kиaра Адвани Ранвир Сингҳ билан “Дон-3” фильмида суратга тушиш учун шартнома имзолади. Бироқ мухлислар фильмга юқоридаги актёрлар танланганидан норози бўлмоқда. Чунки мафиялар бошлиғи ролини аввал Шоҳрух Хон ижро этган эди. “Дон” нинг учинчи қисмида Ранвир Сингҳ бош ролни ўйнаши маълум бўлгач, кўпчилик томошабинлар бундан мамнун бўлмади.
Ижтимоий тармоқда “Дон” фильми ижодкорлари томонидан анонс эълон қилинди. Унда “Дон оламига хуш келибсиз @kiaraaliaadvani #Don3” дея хабар қолдирилиб, Kиaра Адвани франшизадаги Рома ролига қабул қилинганини билдирар эди.
Бу янгилик кўпгина фойдаланувчиларга манзур бўлмади. Фильмнинг биринчи ва иккинчи қисмларида Зинат Аман ва Приянка Чопра бош ролни ижро этган эди.
Фильмга янги қабул қилинган актёрларни қўллаб-қувватлаган фойдаланувчилар ҳам кам эмас. Уларнинг фикрича, ҳозирги авлод актёр ва актрисалари орасида айнан Kиaра Адвани ва Ранвир Сингҳлар мазкур фильм учун энг муносиб танловдир.
Изоҳ (0)