“Нега ўтирибсиз?”: Мадонна концертида ногиронлик аравачасидаги мухлисидан ўрнидан туришини сўради

65 ёшли америкалик хонанда ва актриса Мадонна ногиронлик аравачасидаги томошабиндан туришни сўрагани учун узр айтди. Бу ҳақда “Правила жизни” нашри хабар бермоқда.

Лос-Анжелесдаги концерти давомида хонанда залдаги томошабинларга мурожаат қилди:

Мен билан юринг! Нега ўтирибсиз? Рақсга тушмайсизми? — дея Мадонна ўтирган томошабинлардан бирига гапирди.

Тез орада санъаткор нима бўлганини тушунди ва ундан кечирим сўради:

Яхши, сиёсий жиҳатдан бу нотўғри, бунинг учун узр сўрайман. Концертга келганингиздан хурсандман, — деди у ногиронлик аравачасидаги мухлисига.

Интернетда ушбу воқеанинг видеоси пайдо бўлди:

Мадонна Лос-Анжелесда “Cеlebration” номли Америка бўйлаб концерт турларини ўтказамоқда. Сўнгра хонанда жанубий штатларда концерт бериши режалаштирилган.